Normal doğum zamanı “güc verərkən” güclü bir nəfəsə və güclü qarın əzələlərinə ehtiyac duyacaqsınız. Aşağıdakı yazıda yığılmalar zamanı körpənizə maksimum oksigen getməsi üçün etməli olduqlarınızı tapacaqsınız. Doğum əməliyyatında tətbiq edəcəyiniz düzgün nəfəs alma-vermə texnikalarını hamiləlik dövrünüzdə nə qədər tez-tez tətbiq etsəniz, bu texnikaları o qədər yaxşı öyrənirsiniz. Doğum əməliyyatı zamanı düzgün nəfəs alıb-vermə iki baxımdan vacibdir: doğum əməliyyatında müəyyən aralıqlarla gələn uterus yığılmaları zamanı körpənizə gedən qan axını nisbi olaraq azalır. Bu fizioloji, yəni normal bir vəziyyətdir. Siz bu zaman dərin bir nəfəs aldığınızda qanınıza normal bir nəfəsdə keçəndən daha çox oksigen keçir və bu əlavə oksigen yığılmalar zamanı körpənizin oksigensiz qalmasının qarşısını alır. Düzgün nəfəs alıb-verməyin digər bir vacibliyi isə budur: yığılmalar zamanı hiss edəcəyiniz mümkün ağrı, zehni olaraq daha çox düzgün nəfəs alıb-verməyə fokuslanmış olmanız səbəbindən daha yüngül olaraq qavranacaqdır.
Məşqlər
Boşalma: Yerə uzanın və dizlərinizi bükün. Bədəninizdəki bütün əzələləri şüurlu şəkildə bir-bir boşaldın. Bunun nə qədər çətin olduğunu sınadıqca görəcəksiniz. Bütün əzələlərinizi boşaltdığınızı düşündüyünüzdə belə, yenidən etdiyiniz bir yoxlamada bəzi əzələlərinizin hələ yığılmış olduğunu görə bilərsiniz. Tamamilə boşalmış olmağa diqqət göstərin. Dərin nəfəs alma-vermə: Tamamilə boşaldığınızdan əminsinizsə, sanki 45-50 saniyə sürən bir yığılmanız varmış kimi hiss etməyə çalışın. Burnunuzdan (əgər burun tutulmanız varsa ağzınızdan) içinizə mümkün qədər və yavaş-yavaş dərin bir nəfəs çəkin, bu nəfəsi yenə yavaş-yavaş ağzınızdan xaricə verin. Bu zaman bütün əzələlərinizin boş olduğunu yenidən yoxlayın. Kafanızda canlandırdığınız yığılmalar davam etdikcə bu prosesə davam edin. Diqqət: Nəfəs alıb-vermə prosesini çox sürətli edərsəniz, qanınızdakı karbon qazı sürətli şəkildə azala bilər, bu da müvəqqəti şüur itkisinə qədər gedə bilən vəziyyətlərə yol aça bilər, buna görə dərin nəfəs alma prosesini yavaş-yavaş tətbiq edin. 45-50 saniyə sürən bir yığılmada 5-7 ədəd nəfəs alma-vermə uyğundur. Qarından nəfəs alma texnikası: Bu məşq qarın əzələlərinizin boşalmasına kömək etdiyi kimi, yığılmış əzələlərin uterus üzərinə lazımsız təzyiq göstərməsinin qarşısını alır: Yerə uzanın və əllərinizi qarnınızın üzərinə qoyun. Dərin bir nəfəs alaraq qarnınızın “şişməsini” təmin edin. İçinizdən beşə qədər saydığınız müddətdə bu vəziyyəti qoruyun. Nəfəsi ağzınızdan verin və bu prosesi 4-5 dəfə təkrarlayın.