Endometrioz tez-tez aybaşı dövrü ağrıları ilə əlaqələndirilsə də, bəzi xəstələrdə ağrılar yalnız qasıq nahiyəsi ilə məhdudlaşmır. Xüsusilə belə, ombaya və ayaqlara yayılan ağrılara bu xəstəliyin daha dərin, sinir tutulması ilə gedən formalarında tez-tez rast gəlinir.
Bəs Bu Ağrılar Necə Yaranır?
Endometrioz toxumaları bəzən çanaq nahiyəsindən kənara çıxaraq sinir strukturları ilə təmasda ola bilər. Xüsusilə oma kələfi, oma siniri və ətrafındakı strukturlar zədələndikdə ağrı sinir boyunca yayıla bilər. Bu vəziyyət insanda ombada yanma, beldə küt təzyiq və ya ayaqda iynələnmə kimi hisslərə yol aça bilər.
Hansı Əlamətlərlə Qarışdırılır?
Bel, omba və ayaq ağrıları çox vaxt onurğa yırtığı, oma siniri iltihabı və ya dayaq-hərəkət sistemi problemləri ilə qarışdırılır. Lakin bu ağrılar:
Aybaşıdan əvvəl və ya aybaşı zamanı artırsa
İstirahətlə azalmırsa, davamlı xarakter daşıyırsa
Dərmanlara baxmayaraq keçmirsə
Digər endometrioz əlamətləri (ağrılı aybaşı, əlaqə zamanı ağrı, bağırsaq problemləri) ilə birlikdə görünürsə
endometrioza bağlı sinir tutulması yada salınmalıdır.
Diaqnoz Niyə Gecikir?
Bu tip ağrılar adətən ortopedik və ya nevroloji problem hesab edilərək müxtəlif ixtisaslarda uzun müddət araşdırıla bilər. Lakin klassik üsullarla endometriozun sinirlərə təsiri hər zaman görünmür. İxtisaslaşmış çanaq MRT görüntüləməsi və endometrioz sahəsində təcrübəli həkim qiymətləndirməsi bu məqamda böyük əhəmiyyət daşıyır.
Müalicə Mümkündürmü?
Bəli. Endometriozun səbəb olduğu sinir tutulmalarına yönəlik həm medikamentoz, həm də cərrahi müalicə seçimləri mövcuddur. Düzgün diaqnozla bu ağrılar idarə oluna bilər və həyat keyfiyyəti xeyli yüksələ bilər.
Belinizdəki, ombanızdakı və ya ayaqlarınızdakı izah olunmayan ağrılar aybaşı dövrlərinizlə bağlıdırsa, bu vəziyyətin mənbəyi ginekoloji də ola bilər. Nəzərdən qaçırmayın….