საშვილოსნოს დაშვება პრობლემაა, რომელიც ამცირებს ქალების ცხოვრების ხარისხს და მაღალი სიხშირით გვხვდება ყველა ასაკის ქალში. საშვილოსნოს დაშვება განსაკუთრებით ხშირია იმ ქალებში, ვინც არაერთხელ გაიარა ნორმალური მშობიარობა. საშვილოსნოს დაშვებასთან დაკავშირებული პრობლემები საკმაოდ მრავალფეროვანია. სიმპტომები დაშვების სიმძიმის მიხედვით იცვლება. მენსტრუალური ციკლის დარღვევა კი საშვილოსნოს დაშვების პირდაპირი შედეგი არ არის. საზარდულის ტკივილი, შიდა გენიტალური ორგანოების (შარდის ბუშტის, საშვილოსნოს და/ან სწორი ნაწლავის) ჯერ დაძაბვისას, შემდეგ კი მუდმივად საშოდან გარეთ დაშვება, შარდვის გაძნელება, განმეორებადი შარდგამომყოფი გზების ინფექციები, წელისა და ფეხის ტკივილი, სექსუალური ფუნქციის დარღვევები ან ყაბზობა საშვილოსნოს დაშვების ყველაზე გავრცელებულ სიმპტომებს შორისაა. ზოგიერთ პაციენტში მენჯის ფსკერის საყრდენი ქსოვილის დარღვევასთან ერთად შარდის ბუშტის ყელის შესუსტების შედეგად შარდის შეუკავებლობაც შეიძლება ერთდროულად შეინიშნებოდეს დაშვებასთან.
შეიძლება მრავალი სხვადასხვა მიზეზი ჰქონდეს
საშვილოსნოს დაშვების საფუძველში მენჯის არეში (თეძოს ძვალში) მდებარე კუნთების შესუსტება დევს. შესუსტებული კუნთები საშვილოსნოს საჭირო დონეზე ვეღარ იჭერენ, რის გამოც საშვილოსნო ქვევით ეშვება და დროთა განმავლობაში ზოგიერთ პაციენტში გარეთაც შეიძლება გამოვიდეს. საშვილოსნოს დაშვებას ხშირად ახლავს თან შარდის ბუშტისა და/ან სწორი ნაწლავის წინა კედლის დაშვებაც. საშვილოსნოს დაშვებას შეიძლება მრავალი სხვადასხვა მიზეზი ჰქონდეს. მრავალჯერადი მშობიარობა, ხანგრძლივი და რთული ნორმალური მშობიარობა, ინსტრუმენტული ჩარევით მშობიარობა, მსხვილი ბავშვის გაჩენა, დაბერება, წონის მკვეთრი მატება-კლება საშვილოსნოს ყელის დაშვების გამომწვევ ზოგიერთ ფაქტორს შორისაა. სიმძიმეების აწევა, მენჯის არეს დამაძაბავი არასწორი მოძრაობების კეთებაც შეიძლება დაშვების მიზეზი გახდეს.
ყველაზე სერიოზული სიმპტომი!
საშვილოსნოს დაშვების სიმპტომები, როგორც პიროვნებიდან პიროვნებამდე შეიძლება იცვლებოდეს, ასევე დაშვების ფორმისა და სიმძიმის მიხედვითაც შეიძლება განსხვავდებოდეს. ყველაზე სერიოზული სიმპტომი კი შარდის შეუკავებლობაა. ხშირი შარდვა, მუდმივი შარდგამომყოფი გზების ინფექციები, ხველისას ან ცემინებისას შარდის გაჟონვა, შარდვის გაძნელება ან შარდის ბოლომდე ვერ გამოყოფის შეგრძნება შეიძლება საშვილოსნოს დაშვების სიმპტომი იყოს. ამის გარდა, საშვილოსნოს დაშვების გამო ნაწლავის პრობლემებიც შეიძლება წარმოიშვას. გაზების შეკავება, ყაბზობა და წელის ტკივილის მსგავსი პრობლემებით ვლინდება საშვილოსნოს დაშვება. ამ ორი განსხვავებული ტიპის სიმპტომის გარდა, სექსუალური სურვილის დაქვეითება, სქესობრივი კავშირის დროს ტკივილის შეგრძნება, ორგაზმის ვერ მიღწევა ასევე საშვილოსნოს დაშვების სიმპტომებს შორისაა.
რა არის მკურნალობის მეთოდები?
დღეისათვის საშვილოსნოს დაშვებისთვის სხვადასხვა მკურნალობის მეთოდი არსებობს. მდგომარეობის შემდგომი გაუარესების არარსებობის შემთხვევაში, მიზნად ისახება ვარჯიშების საშუალებით პაციენტის მენჯის კუნთების გაძლიერება და ამ გზით დაშვების პროგრესირების თავიდან აცილება.
სავალდებულოა თუ არა საშვილოსნოს ამოღება დაშვების ოპერაციებში?
სავალდებულო არ არის. გამოიყენება მრავალი ახალი მეთოდი. რადიოსიხშირული მეთოდით მენჯის არის გაძლიერება და დაშვების პროგრესირების თავიდან აცილება შერჩეულ შემთხვევებში შესაძლებელია. ყველაზე ზუსტი მკურნალობის მეთოდი კი ქირურგიაა. საშვილოსნოს ლაპაროსკოპიული ან რობოტული ქირურგიით ფიქსაციის ოპერაციები ძალზე წარმატებული და ცხოვრების ხარისხის ამაღლების მომტანი ქირურგიული მეთოდებია. ზოგჯერ საჭირო ხდება საშვილოსნოს ნაწილის ან მთლიანად ამოღებაც, საშვილოსნოს ამოღების შემდეგ კი საშოს გუმბათი ფიქსაციის ოპერაციით მაგრდება. ასევე შარდის ბუშტის ან ნაწლავების საშოს შიდა მხარეს დაშვების შემთხვევაშიც ქირურგიულად ხდება ამ უბნების გამაგრება და ამ პრობლემების აღმოფხვრა.