Qanaxmalı yumurtalıq kistaları çox ciddi ölçülərə çata bilər. Bu kistalar sonsuzluq, aybaşı nizamsızlığı kimi problemlərə səbəb ola bilər. Buna görə kistaların mütləq həkim tərəfindən nəzarət edilməsi və problemə səbəb olmayacaq şəkildə müalicəsinin edilməsi lazımdır. Kistalar kisə görünüşünə sahib yaranmalardır. İçlərində şəffaf rəngdə bir maye olur. Kistanın daxilindəki bu maye artıb kista divarlarına təzyiq göstərir. Bir müddət sonra kista divarları təzyiqə dözə bilmir və partlayır. Kista partlaması ümumiyyətlə böyük ölçülü kistalarda baş verir. Diametri 4 santimetr və üzəri olan kistalar partlaya bilər. Kista partlaması nəticəsində də qanaxma meydana gəlir.
Kista Qanaxması Necə Anlaşılır?
Yumurtalıq kistasının ölçüsünə və olduğu bölgəyə görə qanaxma yaratma ehtimalı dəyişir. Kista partlaması nəticəsində meydana gələn qanaxma aybaşı qanaxması kimi vaginadan olmur, qarın daxilinə qanaxma olur. Partlayan kista bir damar üzərindədirsə, qanaxma olduqca şiddətli ola bilər. Qarın ağrısı (xüsusilə qasıqlara bıçaq saplanır şəkildə), qarında toxunmaqla həssaslıq, gözlərin qaralması, huşunu itirmə, aşağı qan təzyiqi kimi əlamətlər kista qanaxmasına işarə edir.
Qanaxmalı Yumurtalıq Kistaları Necə Diaqnoz Edilir?
Qanaxmalı yumurtalıq kistaları ultrasəs kimi görüntüləmə vasitələri ilə diaqnoz edilə bilər. Şəxsin kista problemi olduğu bilinirsə, qanaxması ya da ağrısı varsa, mütləq bir həkimə müraciət etməsi lazımdır. Qanaxmalı yumurtalıq kistaları çox vaxt ultrasəslə görüntülənə bilsə də, bəzi hallarda kompüter tomoqrafiyası və MRT kimi fərqli texnikalarla da diaqnoz edilə bilər. Əgər rutin nəzarətlərdə ya da başqa bir rahatsızlıq səbəbindən edilən qan testi nəticələrində qan göstəricilərində ciddi bir düşüş varsa, bu vəziyyət diqqət çəkir və mütləq əlavə müayinələr edilir.
Necə Müalicə Edilir?
Kista müalicəsinin formalaşmasında kistanın ölçüsü çox vacibdir. Kista əgər kiçik ölçülərdədirsə və qanaxma özü-özünə dayandısa, pasiyent yalnız müşahidə altında saxlanılır. Lakin kistanın ölçüləri böyükdürsə, şəxsin huşunu itirməsinə, təzyiqin düşməsinə ya da şoka girməsinə səbəb olursa, cərrahi müdaxilə ilə kistanın çıxarılması lazım ola bilər. Pasiyentin tarixçəsinə və fiziki vəziyyətinə görə kistalar açıq əməliyyatla ya da laparoskopiya texnikası ilə çıxarıla bilər. Kista yaranmaları çıxarılarkən kistalar yumurtalıqlara zərər verməyibsə, bu bölgəyə toxunulmur, lakin yumurtalıqda zədə varsa, zədələnmiş yumurtalığın çıxarılması da lazım ola bilər.