Dərmanların müalicə üçün yetərsiz olduğu hallarda günümüzdə müraciət edilən ən yaxşı cərrahi üsul robot dəstəkli cərrahiyyədir. Bu üsulla uşaqlıq xərçəngi, uşaqlıq boynu xərçəngi, uşaqlıq fibroidləri (mioma: uşaqlığın xoşxassəli şişləri), endometrioz (şokolad kistası xəstəliyi), uşaqlığın düşməsi ya da anormal uşaqlıq qanaxması kimi rahatsızlıqlar da daxil olmaqla geniş çaplı ginekoloji rahatsızlıqlar müalicə edilə bilər. Xüsusilə xərçəng ya da nəzarətdən kənar qanaxma (digər müalicələrə cavab verməyən) kimi pasiyentin həyatını təhlükəyə ata biləcək hallarda uşaqlıq cərrahi müdaxilə ilə çıxarılır.
Bu əməliyyatlar əvvəllər xalq arasında açıq əməliyyat kimi də tanınan tək və geniş bir kəsiklə həyata keçirilirdi. Lakin günümüzdə yenə xalqımızın qapalı əməliyyat kimi adlandırdığı Robot Dəstəkli Cərrahiyyə ya da Laparoskopik Cərrahiyyə ilə minimal invaziv şəkildə həyata keçirilə bilər. Lakin son illərdə bütün dünyada getdikcə yayılan və laparoskopik üsula olduqca bənzəyən robot dəstəkli cərrahiyyə daha tez-tez üstünlük təşkil edir.
ROBOT DƏSTƏKLİ CƏRRAHİYYƏNİN ÜSTÜNLÜKLƏRİ
Xüsusilə işləyən qadınların müalicələrində robot dəstəkli cərrahiyyəyə üstünlük verilməsinin başlıca səbəbi sağalma müddətinin çox daha qısa olmasıdır. Əməliyyatın böyük bir tək kəsik üzərindən edilməsi yerinə 1 sm-dən kiçik kəsiklərdən həyata keçirilməsi sağalma prosesinin çox daha qısa olmasını təmin edir. Bu sayədə pasiyentlər iş həyatlarına və gündəlik həyatlarına çox daha qısa müddətdə qayıda bilər. Ayrıca əməliyyatın kiçik kəsiklər vasitəsilə edilməsi sayəsində sağalma prosesinin əməliyyatdan sonrakı qulluğunu da daha asan hala gətirir. Əməliyyatdan sonra kəsiklərin edildiyi bölgələrdə çox yüngül ağrılar olur. Yara yerinə aid problemlər olduqca az görülür.
Ayrıca kəsiklərin ölçüsü böyük bir əməliyyat izinin qalmamasını, yəni kosmetik baxımdan da daha yaxşı bir görüntüyə imkan yaradır. Bu əməliyyat izləri təxminən 1 il sonra xaricdən baxıldıqda demək olar ki, seçilə bilməyəcək hala gəlir.
ROBOT DƏSTƏKLİ CƏRRAHİYYƏNİN İSTİFADƏ EDİLDİYİ ƏMƏLİYYATLAR
Günümüzdə ginekoloji əməliyyatların böyük əksəriyyəti robot dəstəkli cərrahiyyə üsulu sayəsində uğurla edilə bilir.
Uşaqlığın çıxarıldığı histerektomiya əməliyyatı, endometrioz (şokolad kistası xəstəliyi) əməliyyatları, həddindən artıq qanaxma, qarın ağrısı və sonsuzluğa səbəb olan fibroidlərin təmizləndiyi miomektomiya əməliyyatlarında, yumurtalıq kistası ya da digər yumurtalıq pozğunluqlarının səbəb olduğu hər iki yumurtalığın çıxarıldığı ooforektomiya əməliyyatlarında ya da uşaqlığın düşməsinin baş verdiyi hallarda, Uşaqlıq xərçəngi ya da uşaqlıq boynu xərçəngi, yumurtalıq xərçəngində, yapışmaların təmizlənməsində və çanaq ağrısı ilə bağlı əməliyyatlar robot dəstəkli cərrahiyyə texnikası ilə uğurla həyata keçirilə bilir. Ən yaygın ginekoloji rahatsızlıqların müalicəsində bu Robot Dəstəkli Cərrahiyyə üsulunun istifadə edilə bilməsi, bu üsulun bütün Dünyada qısa müddətdə yayılmasını təmin edib.