Uşaqlıq boynu xərçəngi, dünya üzrə qadınlarda ən çox rast gəlinən xərçəng növlərindən biridir. Bir çox fərqli risk amili nəticəsində ortaya çıxa bilən bu təhlükəli xərçəng Pap Smear testi ilə erkən dövrdə diaqnoz edilə bilər. Uşaqlıq boynu xərçənginin, xərçəngönü lezyonların və infeksiyaların qiymətləndirilməsi üçün PAP Smear testinin laqeyd edilməməli olduğunu qeyd edən Mamalıq və Ginekologiya üzrə mütəxəssis Prof. Dr. Taner Usta vacib məlumatlar bölüşdü.
Uşaqlıq Boynu Xərçəngi Geniş Yayılmış Şəkildə Görülür
Serviks xərçəngi kimi də adlandırılan uşaqlıq boynu xərçəngi, dünya üzrə tez-tez qarşımıza çıxır. Xüsusilə 35 və 55 yaş arasındakı qadınları təsirləyən bu xəstəlik erkən yaşlarda olduqca nadir görülür. Uşaqlıq boynu xərçəngi bədənə yayılmadıqca aydın əlamətlər göstərən bir rahatsızlıq deyil. Şəxs əlamətləri yaşamağa başladıqda müalicə seçimləri böyük ölçüdə məhdudlaşmış ola bilər. Buna görə serviks xərçənginin başlanğıc mərhələsində diaqnoz edilməsi ilə müalicə prosesində böyük bir üstünlük əldə edilməsi mümkün hala gəlir. Günümüzdə həm uşaqlıq boynu xərçənginin, həm də gələcək dövrdə xərçəng inkişaf edə biləcəyini düşündürən hüceyrə dəyişikliklərinin erkən dövrdə aşkarlanması üçün olduqca sadə bir prosedur kimi təsvir edə biləcəyimiz PAP Smear testinin müntəzəm olaraq edilməsi lazımdır.
PAP Smear Qorxulacaq Bir Prosedur Deyil
Qadın sağlamlığının qorunması və mümkün xəstəliklərin diaqnoz edilməsi naminə bir sıra müayinə və test üsulu tətbiq edirik. Pap Smear də həm diaqnoz, həm nəzarət məqsədilə müntəzəm olaraq tətbiq edilməsi lazım olan testlər arasında ən vaciblərindən biridir. Proses olduqca sadədir, bir çox qadının PAP Smear ilə bağlı təəssüf ki, yanlış düşüncələri var. Ümumiyyətlə rutin ginekoloji müayinə zamanı həyata keçirilən və saniyələr ərzində aparılan test zamanı servikal hüceyrələrdən nümunə toplanır və daha sonra toplanan bu nümunələr mikroskop altında incələnir.
Smear Testi ilə Bir Çox Problem Diaqnoz Edilə Bilər
Smear testi nəticələri mənfi və müsbət olmaqla iki ayrı qrupda ələ alınır. Nəticələrin mənfi çıxması servikal hüceyrələrdə hər hansı bir anormallik olmadığı mənasına gəlir. Müsbət nəticələr isə servikal hüceyrələrdə anomaliya olduğuna işarə edir. Lakin müsbət nəticələr dərhal narahat olmağı tələb etmir. Kolposkopiya və biopsiya kimi daha ətraflı müayinələrlə hüceyrə fərqliləşmələrinin səbəbləri tapıla bilər və sürətli şəkildə müalicə prosesi başladıla bilər. Smear testi ömür müddətinin uzadılmasını təmin edən müalicələrin başladılması naminə böyük əhəmiyyətə malikdir. Buna görə serviks xərçənginin və xərçəngönü hüceyrə dəyişimlərinin diaqnoz edilməsini təmin edən smear testi rutin olaraq tətbiq edilməlidir.
Smear 21 Yaşından Sonra Edilməyə Başlanmalıdır
İlk cinsi əlaqədən 3 il sonra ya da 21 yaşından etibarən smear testinin tətbiq edilməsi lazımdır. 21 və 29 yaş aralığındakı qadınların hər 3 ildə bir, 30 və 65 yaş aralığında olanların isə HPV testi ilə birlikdə 5 ildə bir etdirməsi ideal olacaq. Lakin qeyd edilən bu tezliklər smear nəticələrində anomaliya olması halında artım göstərə bilər. Smear testinin tətbiq edilməli olduğu zaman dilimləri və tətbiq tezliyi pasiyentə xüsusi olaraq müəyyənləşdirilməlidir.