Qadınlarda ən çox görülən 3 ginekoloji xərçəng növündən biri olan uşaqlıq boynu xərçəngi həm qarşısı alına bilən, həm də müalicə edilə bilən bir xərçəng növüdür.
Əlaqə zamanı ya da sonrasındakı vaginal qanaxmada da ağla uşaqlıq boynu xərçəngi gəlməlidir. Bu qanaxmaların tək səbəbi uşaqlıq boynu xərçəngi deyil, lakin ən vacib səbəblərindən biridir.
Uşaqlıq boynu xərçənginin əlamətlərini doğru şəkildə müşahidə etmək erkən diaqnozda şans qazandıracağı üçün çox vacibdir. Öncə uşaqlıq boynu xərçənginə qarşı qorunma nöqtəsində şüurlanmaq lazımdır.
Xərçəngin ən diqqət çəkən səbəbi olan insan papilloma virusu HPV-dir. Bu virus infeksiyaya səbəb olur. Özü-özünə təsiri aradan qalxa bilən bu virus bəzi hallarda serviks hüceyrələrinin anormal şəkildə bölünməsinə və uşaqlıq boynu xərçənginin ortaya çıxmasına səbəb ola bilər.
Uşaqlıq Boynu Xərçəngi Əlamətləri Sistit Xərçəng Xəbərçisi Ola Bilər
Sistit qadınların tez-tez yaşadığı bir problem olsa da, bəzən uşaqlıq boynu xərçəngi əlaməti kimi nəzərə alınmalıdır. Uşaqlıqda ya da sidik kisəsində xərçəng səbəbindən meydana gələn bir iltihablanma varsa, sidik ifrazı zamanı ağrı meydana gələ bilər. Buna görə sistit uzun müddətli və təkrarlanan bir problemə çevrildikdə mütləq ətraflı bir müayinə edilməlidir.
Əlaqədən Sonra Qanaxma
Uşaqlıq boynu xərçənginin ən vacib əlaməti əlaqədən sonra qanaxmanın görülməsidir. Bu xəstəliyin xüsusilə irəliləmiş mərhələlərində görülməsinə baxmayaraq, erkən dövrlərində də meydana gələ bilər. Xəstəliyin bu mərhələlərə gəlməməsi üçün skrininq testlərinin rutin olaraq etdirilməsi lazımdır.
Siyillər Uzun Müddətdə Problem
HPV adlandırılan insan papilloma virusu uşaqlıq boynu xərçənginə səbəb ola bilər. HPV üçün qoruyucu peyvənd olmaq uşaqlıq boynu xərçəngi riskini əhəmiyyətli ölçüdə azaldır.
Lakin genital bölgədə siyil yaranması varsa, mütləq bir həkimə müraciət edilməlidir. Siyillər özü-özünə keçə bilər ya da təkrarlana bilər. Bu hallarda da həkimə gedilməlidir.
Bədəninizin Mesajını Alın
Vaginal ifrazatların bir hissəsi sağlamdır. Vaginal bölgənin pH balansı üçün qoxusuz, rəngsiz və narahat etməyəcək ifrazatlar meydana gələ bilər. Bu ifrazatlar göbələk ya da bakteriya səbəbindən meydana gələn infeksiyalar da ola bilər. Vaginal ifrazatlar həmişə olduğundan daha fərqli qatılıqda, qoxulu, qanlı ya da rəngli isə uşaqlıq boynu xərçənginin xəbərçisidir.
Qarın Bölgəsində Şişkinlik
Uşaqlıq boynu xərçənginə bağlı olaraq aşağı qarın bölgəsində şişkinlik meydana gələ bilər. Şişkinliyin səbəbi bu xərçəngin kapilyar damarları təsirləməsidir. Buna görə şəxs bədənində, xüsusilə də aşağı qarın bölgəsində şişkinlik hiss etdikdə bu əlaməti gözardı etməməlidir.
Çəki İtkisi
Şəxs normal həyatına davam edərkən qəflətən çəki verməyə başlayarsa, mütləq lazımi müayinələri etdirməlidir. Çəki itkisinin bir çox səbəbi olsa da, pəhriz ya da idman etməyən, qidalanma və həyat rutini dəyişməyən şəxslərdə qəflətən ortaya çıxan çəki itkisi xərçəng əlaməti ola bilər.