Robotik cərrahiyyə təxminən 10 ildir ölkəmizdə istifadə olunan, cərrahlara mürəkkəb prosedurları daha həssas və nəzarətli şəkildə yerinə yetirməyə kömək edən bir texnikadır. Ənənəvi texnikalarda cərrah və assistentlər birbaşa xəstə ilə təmasda olur və bu proses həm əməliyyatlarda açılan kəsiklərin daha dərin və böyük olmasına, həm də əl həssaslığından asılı çatışmazlıqların yaranmasına səbəb olur. Robotik cərrahiyyə isə prosesdə istifadə olunan alətlər sayəsində çox daha həssas hərəkətləri olduqca dar sahələrdə etməyi mümkün etdiyi üçün daha nəzarətli nəticələr əldə etmək mümkün olur.
Yanlış 1: Əməliyyatı Robotlar Edir!
Texnoloji inkişafla birlikdə insanların texnologiyaya baxışı sürətlə dəyişir. Süni intellektdən istifadə edən diaqnostika proqramlarının əldə etdiyi uğur və tibbi texnologiyalardakı inkişafla birlikdə robotik cərrahiyyə olduqca populyar olsa da, bu proseslə bağlı bir çox yanlış məlumat mövcuddur. Robotik cərrahiyyə deyildikdə xəstələrin və onların yaxınlarının gözü önündə əməliyyatı robotun etdiyi təsəvvür canlanır. Robotik texnologiyalar çox inkişaf etmiş olsa belə, həkimin müdaxiləsinin olmayacağı fikri hələlik xəstələr və yaxınları üçün o qədər də qəbuledilən deyil. Lakin bu məlumatın əksinə olaraq, robotik cərrahiyyə tətbiqlərində insan təsiri düşünüldüyündən çox daha böyükdür. İlk növbədə bütün nəzarətin cərrahda olduğunu bilmək lazımdır. Proses zamanı cərrah əməliyyatda istifadə edəcəyi alətləri öz əlləri ilə deyil, robot qolları ilə idarə edərək əməliyyatı çox daha həssas hərəkətlərlə həyata keçirə bilir.
Yanlış 2: Əməliyyatda Süni İntellekt İstifadə Olunur!
Robotik cərrahiyyə ilə bağlı yanlış məlumatlardan biri də əməliyyatda süni intellektdən istifadə edildiyi, cərrahın müdaxiləsinin isə yalnız robotu idarə etməklə məhdudlaşdığı fikridir. Robotik cərrahiyyədə istifadə olunan və da Vinci Robotu adlanan sistem mütləq cərrahın nəzarəti ilə işləyir, cərrahın istəyi xaricində heç bir hərəkət edə bilməz. Yəni robotun özü-özlüyündə qərar vermək və hərəkət etmək imkanı qətiyyən yoxdur.
Yanlış 3: Robotik Cərrahiyyə Tətbiqlərində Xəstə Tək Qalır!
Robotik cərrahiyyə tətbiqləri ilə bağlı ən çox doğru bilinən yanlışlardan biri də proses zamanı xəstənin tək qalmasıdır. Hər əməliyyat boyu anesteziyoloqdan assistentə qədər bütün komanda xəstənin yanında hazır olur. Əməliyyatın klassik və ya robotik olması bu vəziyyəti qətiyyən dəyişmir. Da Vinci Robotunu idarə edən cərrahla yanaşı, digər bir cərrah və ya assistent də xəstənin yanında olaraq prosesin daha nəzarətli keçməsinə kömək edir. Assistent, tibb bacısı və s., yəni bütün komanda üzvləri bir-biri ilə daim əlaqədə olur.