Qarın ağrısı deyib keçməyin: Çanaq ağrıları
Çanaq ağrıları, qadınlarda qarının aşağı hissəsində olan çanaq bölgəsində (çanaq sümüyünün içi) meydana gələn ağrılardır. Çanaq bölgəsində yumurtalıqlar, uşaqlıq, sidik kisəsi və bağırsaqlar olur. Buna görə bu bölgədə bir ağrı meydana gəldikdə bu orqanların qiymətləndirilməsi və ağrının mənbəyinin tapılması lazımdır.
Çanaq ağrıları nədən meydana gəlir?
Çanaq ağrılarının meydana gəlməsində bölgədə olan orqanlarla bağlı problemlər effektivdir. Buna görə dörd əsas başlıqda ağrıları araşdırmaq daha doğrudur. Hamiləliyə bağlı, ginekoloji səbəblərə bağlı, sidik kisəsi ya da bağırsaq problemlərinə bağlı ağrılar bu bölgədə ortaya çıxan başlıca ağrılardır. Ayrıca Çanaq bölgəsində meydana gələn əzələ ya da sümük ağrıları da çanaq ağrısı kateqoriyasında araşdırılır.
Düşük etmək, erkən doğum etmək, uşaqlıqdan kənar hamiləlik yaranması, korpus luteum kistası hamiləliyə bağlı çanaq ağrısı yaranmasının səbəbləri arasında yer alır. Ayrıca plasentanın uşaqlıq divarından gözlənilməkdən əvvəl ayrılması vəziyyəti də çanaq ağrısının ortaya çıxmasında effektivdir.
Şokolad kistası xəstəliyi, Sistit, appendisit, qarın divarında meydana gələn yırtıqlar, çanaq bölgəsində edilən bir əməliyyatdan sonra ortaya çıxan yapışmalar, sinir sıxılmaları, anormal anatomik quruluş və s. də çanaq ağrılarının yaranmasına səbəb ola bilər.
Uşaqlıqda və yumurtalıqda yaranan infeksiyalar (iltihabi qadın xəstəliyi), miomalar, Adenomyoz (uşaqlığı tutan şokolad kistası xəstəliyi), yumurtalıq kistasının yırtılması, daha az tezliklə yumurtalıq xərçəngi və uşaqlıq xərçəngi kimi hallarda da çanaq ağrıları ortaya çıxır.
Xüsusilə şokolad kistası xəstəliyinin xüsusi bir forması olan dərin endometriozda bağırsaq və sidik yollarının tutulması həm böyrək itkisinə, həm də bağırsaqların əvvəlcə daralması və qarının şişməsinə, daha sonra isə bağırsaq tıxanmasına səbəb ola bilər.
Çanaq ağrısı olanlar nə etməlidir?
Bədəndə müəyyən aralıqlarla ya da davamlı olaraq davam edən ağrıların səbəbinin mütləq araşdırılması lazımdır. Ağrı heç bir zaman boş yerə olmur, mütləq bir səbəbi var. Əgər şəxs hamilədirsə, heç vaxt itirmədən mamalıq və ginekologiya mütəxəssisi ilə əlaqə saxlamalı və lazımi nəzarətləri etdirməlidir.
Çanaq ağrılarının ortaya çıxma səbəblərinin bir çoxunun müalicə edilməsi həm şəxsin həyat keyfiyyətini artırır, həm də uzun müddətdə daha böyük problemlər yaşamasının qarşısını alır. Xüsusilə hamilə qalmağı düşünən qadınlar kista ya da mioma yaranmasına bağlı çanaq ağrısı sıxıntısı yaşayırlarsa, hamiləlik baxımından bu yaranmaların hamilə qalmadan əvvəl müalicə edilməsi lazım olduğu unudulmamalıdır.